2816 - Single_lajmi | Ministria e Puneve te Jashtme
MPJ
  • 25 April 2017
  • SHARE
  • PRINT

Hoxhaj me deputetët belgë, diskutojnë zgjerimin e bashkëpunimit Kosovë - Belgjikë

Prishtinë, 25 prill 2017 – Ministri i Punëve të Jashtme të Kosovës, Enver Hoxhaj ka pritur sot në takim një delegacion deputetësh nga Parlamenti i Belgjikës, të cilët po qëndrojnë për vizitë në Kosovë.

Duke i falënderuar për mbështetjen e madhe të Belgjikës ndaj Kosovës, Hoxhaj i ka njoftuar deputetët në lidhje me zhvillimet në vend dhe përpjekjet për forcimin e subjektivitetit ndërkombëtar të vendit. 

Ministri Hoxhaj po ashtu i ka falënderuar deputetët belgë për mbështetjen e madhe të Belgjikës për anëtarësimin e Kosovës në Organizatën Botërore të Doganave, ndërkaq ka kërkuar mbështetje për aplikimet e tjera që do t’i bëjë Kosova në disa organizata këtë vit. 

Në këtë takim u diskutua nevoja për zgjerim të mëtejmë të bashkëpunimit mes dy vendeve.

“Mbështetja e Belgjikës për Kosovën në shumë fusha ka qenë shumë e rëndësishme për ne dhe shpresojmë që kjo mbështetje të vazhdojë të zgjerohet në proceset në vijim. Jemi shumë të interesuar që marrëdhëniet e shkëlqyera bilaterale t’i zbërthejmë në bashkëpunim të mëtutjeshëm mes dy vendeve”, ka deklaruar Hoxhaj.

 
 

Foto Galeria