3421 - Single_lajmi | Ministria e Puneve te Jashtme
MPJ
  • 14 March 2018
  • SHARE
  • PRINT

“The New Body” nga Astrit Ismaili sonte në Digital Spring Festival

Prishtinë, 14 mars 2018 - Artisti nga Kosova Astrit Ismaili, po prezantohet në “Digital Spring Festival” me projektin tij të titulluar “The New Body” në ARGEkultur në Salzburg, shkruan KultPlus.

 

 Artisti në këtë projekt krijon një trup që shkon përtej kapaciteti të tij natyral dhe është i hapur për mënyra të tjera- një trup që tejkalon funksionin e tij të zakonshëm si vend për negocimin e çështjeve të tilla si raca, etnicitetit, gjinisë, gjuhës dhe politikës së klasës. Projekti ka për qëllim të sfidojë kapacitetet dhe kufizimet e paracaktuara, fizike dhe mendore të trupit, duke ndryshuar elementët ekzistuese dhe duke shtuar elemente të reja. Kështu që tingujt të cilët lëshohen gjatë lëvizjeve mendohen që të shfaqen si pjesë të brendshme të trupit. Tinguj këto të cilat janë të ndryshëm varësisht nga lëvizjet. Duke e ndarë trupin me tinguj, artisti trajton paragjykimet e supozuara dhe mundëson që të kapërcehet nga pikëpamja tradicionale në perspektiva të reja. “The New Body” do të prezantohet me performancën që do të jetë live nga artisti dhe pastaj me video të cilat do të projektohen si holograme për të dhënë ndjesinë e prezencës së artistit gjatë ekspozitës. Performanca ka filluar prej 13 marsit dhe do të zgjas deri mw 14 mars, në ora 19:30. Ndërsa istalacioni më 17 mars dhe 18 mars 18:30. Më pas ky projekt do të vazhdojë më 23 mars në Brisfelden në Zvicër. Astrit Ismaili ka përfunduar studimet e larta në Fakultetin e Arteve të bukura në Prishtinë. Më pas ai vijoi studimet master në Universitetin e Arteve të Amsterdamit, në programin e DasArts Master of Theatre. Në artin e tij bëhen bashkë disa mediume si fotografia, muzika, dhe video-performanca. 

Burimi: http://www.kultplus.com/arti-pamor/new-body-nga-astrit-ismaili-sonte-ne-digital-spring-festival/

Foto Galeria