4334 - Single_lajmi | Ministria e Puneve te Jashtme
MPJ
  • SHARE
  • PRINT

Ministrja e Jashtme, Donika Gërvalla takoi ambasadoren holandeze, Carin Lobbezzo


Ministrja e Punëve të Jashtme dhe Diasporës e Republikës së Kosovës, Donika Gërvalla, sot ka pritur në takim ambasadoren holandeze në Kosovë, Carin Lobbezzo, nga e cila ka marrë përgëzime për detyrën e re.

Të dyja bashkëbisedueset kanë përmendur marrëdhëniet e mira bilaterale midis dy shteteve, duke shprehur gatishmërinë për avancimin e mëtejmë të tyre.

Është biseduar për situatën me menaxhimin e pandemisë dhe është thënë se sigurimi i vaksinave për qytetarët e Kosovës është prioritet i Qeverisë së Kosovës, të mbështetur edhe nga partnerët ndërkombëtarë.

Ministrja Gërvalla ka falënderuar shtetin holandez për mbështetjen dhe njëherësh ka kërkuar vazhdimin e bashkëpunimit në ekonomi, shëndetësi, bujqësi dhe kulturë.

Në këtë kontekst, ministrja Gërvalla ka shfaqur bindjen se shteti holandez do të vazhdojë t`i qëndrojë afër Kosovës edhe në procesin e integrimit në Bashkimin Evropian.
   
 

Foto Galeria