- Zbaton me saktësi radhën e përparësisë së rangjeve zyrtare të Republikës së Kosovës, misioneve diplomatike, si dhe e përcakton atë në rastet e veçanta, të paparashikuara në këtë ligj. Kriteri themelor i funksionimit të kësaj strukture është respektimi i rangut zyrtar;
- Organizon dhe ndjek ceremonitë e pritjes e të përcjelljes së delegacioneve të huaja të rangut: President, Kryetar i Kuvendit, Kryeministër dhe Ministër i Punëve të Jashtme; në bashkëpunim me kabinetet e Presidentit, Kryetarit të Kuvendit, Kryeministrit dhe Ministrit të Punëve të Jashtme, harton programin e vizitës së tyre dhe përgjigjet për zbatimin e tij;
- Përgatit anën protokollare të Presidentit, Kryetarit të Kuvendit, Kryeministrit dhe të Ministrit të Punëve të Jashtme të Republikës së Kosovës për vizitat zyrtare jashtë shtetit. Protokolli i Shtetit, në bashkëpunim me përfaqësitë diplomatike të Republikës së Kosovës dhe me institucionin homolog të shtetit pritës, përpunon programin e vizitës së personaliteteve të mësipërme.
- Përgjigjet për organizimin e ceremonive për festat zyrtare, memorialë, shtetërorë dhe lokale, në rastet kur ato janë jubilare dhe kur për organizimin e të cilave, me vendim të Qeverisë të Republikës së Kosovës, krijohet një komision shtetëror;
- Përcakton mënyrën e përdorimit të simboleve shtetërore, flamurit, himnit, stemës dhe shenjave të tjera zyrtare sipas Ligjit për përdorimin e simboleve shtetërore të Republikës së Kosovës;
- Bashkërendon takimet e Presidentit, Kryetarit të Kuvendit, Kryeministrit dhe të Ministrit të Punëve të Jashtme dhe të Ministrave tjerë me përfaqësuesit diplomatikë të akredituar në Republikën e Kosovës.