Konsultimet politike mes Ministrive të Punëve të Jashtme u mbajtën në Vjenë dhe u udhëhoqën nga Zëvendësministri i Punëve të Jashtme dhe Diasporës, Kreshnik Ahmeti, dhe i Dërguari Special për Ballkan Perëndimor nga Ministria Federale për Evropë dhe Punë të Jashtme, ambasadori Johannes Eigner.

Në konsultime politike u vlerësuan lart marrëdhëniet e shkëlqyera në mes të dyja vendeve. Zëvendësministri Ahmeti falenderoi delegacionin austriak për mbështetjen e vazhdueshme të Austrisë për Kosovën.

Përgjatë bisedës u diskutua për marrëdhënie bilaterale dhe thellimin e tyre, me theks të veçantë në fushën e ekonomisë, drejtësisë dhe mbrojtjes.