Pas iniciativës së ambasadorit të Kosovës në Bangladesh z. Guner Ureya, Departamenti per Diplomaci ekonomike organizoi Webinarin ndërmjet Republikës se Kosovës dhe Republikës se Bangladeshit. Tema e Webinarit ishte: Avancimi i bashkëpunimit në sektorin e TIK ndërmjet dy shteteve.
Fillimisht lidhur me bashkëpunimin bilateral ndërmjet dy shteteve folën ambasadorët e të dy shteteve: z. Mosharraf Hossain Bhuiyan dhe z. Ureya .
Gjatë webinarit nga Ministrja e Ministrisë se Ekonomisë znj. Artane Rizvanolli u prezantuan mundësitë që iofron Kosova për TIK dhe avancimin e deritanishëm të këtij sektori. Për te arriturat dhe mundësitë e bashkëpunimit ndërmjet dy shteteve në këtë sektor foli z. Zunaid Ahmed Palak -Ministri i Shtetit për Teknologji të Informimit dhe Komunikimit.
Me të dhëna të detajuara lidhur me avancimin e këtij sektori u prezantua znj.Vjollca Çavolli – Drejtore Ekzekutive e Shoqatës së Kosovës për Teknologjinë e Informacionit dhe Komunikimit si dhe z.Abdul Bari – Këshilli Kompjuterik i Bangladeshit i cili foli edhe per projektin “Rritja e qeverisjes dhe ekonomisë dixhitale”.
Për t’i ilustruar me shembuj konkret të arriturat e deritanishme në këtë sektor u prezantuan edhe dy storie të bizneseve shumë të suksesshme si: Linkplus nga Kosova e Brainstation 23 nga Bangladeshi.
Konkluzioni i përbashkët i përfaqësuesve të dy vendeve dhe përfaqësuesve të sektorit të TIK ishte se ka shumë hapësirë për të bashkëpunuar e per te krijuar partneritete me qellim qe te eksportojnë se bashku shërbime ne shtete e Evropës dhe më gjerë. Për tu arritur kjo nevojiten më shumë vizita e më shumë kontakte me qellim që bizneset të njihen më mirë mes vete e te krijohet më shumë besim.
Për t’i dhënë shtytje bashkëpunimit dhe për të konkretizuar bashkëpunimin, Ministrja z. Rizvanolli por edhe të tjerët u ftuan të marrin pjesë në Samitin për StarUp-e që do të organizohet në Bangladesh me 29 Korrik 203 kurse përfaqësuesit e institucioneve e Bangladeshit e në veçanti bizneset, u ftuan që të marrin pjesë në Teknologjinë e Festivalit KOS ICT – edicioni i 12-të që do të organizohet me 13 dhe 14 tetor nga STIKK.
