Zëvendëskryeministri i Parë dhe Ministri i Punëve të Jashtme dhe Diasporës, z. Glauk Konjufca, zhvilloi një takim me Ambasadorin jorezident të Mbretërisë së Danimarkës për Republikën e Kosovës, Sh. T. Christian Grønbech-Jensen.

Në takim, Ambasadori Grønbech-Jensen e uroi Zëvendëskryeministrin Konjufca për mandatin e ri.

U diskutua për forcimin e mëtejshëm të marrëdhënieve dypalëshe dhe për zgjerimin e bashkëpunimit ndërmjet dy vendeve.

Po ashtu, u diskutua edhe për planin e Danimarkës për hapjen e një ambasade në Tiranë, e cila do të mbulojë edhe Republikën e Kosovës, si një hap që pritet të kontribuojë në thellimin e marrëdhenieve mes Kosovës dhe Danimarkës.