Ministrja Donika Gërvalla-Schwarz priti sot, në Aeroportin Ndërkombëtar të Prishtinës “Adem Jashari”, delegacionin hungarez të kryesuar nga presidentja e Hungarisë, Katalin Novák.
Ministrja Gërvalla-Schwarz shoqërohej nga ambasadorja e Republikës së Kosovës në Hungari, Gjeneza Budima. Presidentja e Hungarisë, Katalin Novák zhvilloi takim me presidenten e Republikës së Kosovës, Vjosa Osmani-Sadriu. Presidentja hungareze po ashtu vizitoi trupat e Hungarisë që shërbejnë në Kosovë në kuadër të forcave të KFOR-it.



