Në vazhdën e takimeve të shumta në Strasburg, Zëvendëskryeministrja dhe Ministrja e Punëve të Jashtme dhe Diasporës, znj. Donika Gërvalla u takua edhe me delegacionin e Danimarkës në Asamblenë Parlamentare të Këshillit të Evropës, të udhëhequr nga z. Mogens Jensen.

Takimi u fokusua në procesin e anëtarësimit të Kosovës në Këshillin e Evropës dhe në progresin e Kosovës në të drejtat e njeriut e të komuniteteve pakicë.

Për më tepër, znj. Gërvalla njoftoi delegatët për situatën e sigurisë në veri të vendit, pas sulmit terrorist të 24 shtatorit të orkestruar nga Serbia. Ajo theksoi që për stabilitetin e rajonit, domosdoshmëri janë sanksionet ndaj Serbisë, si pasojë për veprimet e saj të dhunshme.