Zëvendësministrja e Punëve të Jashtme dhe Diasporës, znj. Liza Gashi së bashku me ministren e Arsimit, Shkencës, Teknologjisë dhe Inovacionit, znj. Arbërie Nagavci, në vijim të vizitës zyrtare në Tiranë, u pritën në një takim të veçantë nga ministrja e Arsimit dhe Sportit të Shqipërisë, znj. Evis Kushi. Në fokus të këtij takimi ishin diskutimet rreth organizimit të Seminarit të 16-të të “Gjuhës Shqipe dhe Kulturës Shqiptare në Diasporë” i cili do të mbahet në Vlorë nga data 30 korrik deri më 2 gusht 2023.
Ndër të tjera, u diskutua edhe mbi vazhdimësinë dhe përforcimin e mëtejmë të bashkëpunimit dhe koordinimit ndër-shtetëror në mbështetje të mësimit plotësues të gjuhës dhe kulturës shqipe në diasporë.
