Shumë mërgimtarë i janë bashkuar mbrëmë Karvanit të Diasporës në sheshin e qytetit të Suharekës.
Për ta prezantuar platformën #ShijoKosovën në Suharekë, bashkë me ekipin e Karvanit ishte edhe zëvendëskryeministrja, njëherësh ministrja e Punëve të Jashtme dhe Diasporës, znj.Donika Gërvalla, zëvendsministrja znj.Liza Gashi të cilat i shoqëroi edhe kryetari i Komunës, z.Bali Muharremaj.
Duke diskutuar me bashkatdhetarët, ministrja Gërvalla ka thënë se, për Ministrinë e Punëve të Jashtme dhe Diasporës, kontributi i profesionistëve nga diaspora është i mirëseardhur dhe me ndikim për zhvillimin e vendit.
Gërvalla ka shtuar se janë shumë të interesuar për idetë e sugjerimet e mërgatës, të cilat mund t’i japin edhe përmes platformës
Gërvalla ka shtuar se janë shumë të interesuar për idetë e sugjerimet e mërgatës, të cilat mund t’i japin edhe përmes platformës https://shijokosoven.com
Në kuadër të nismës #ShijoKosovën, në qendër të Suharekës, është paraqitur me një program Ansambli Kombëtar i Këngëve dhe i Valleve “Shota”.