Zëvendëskryeministri i Parë dhe Ministri i Punëve të Jashtme dhe Diasporës, z. Glauk Konjufca, priti në takim zëvendësdrejtorin menaxhues të Shërbimit Evropian për Veprim të Jashtëm (EEAS) për Ballkanin Perëndimor, z. Emanuele Giaufret.

Në fokus të takimit ishte thellimi i bashkëpunimit ndërmjet Kosovës dhe Bashkimit Evropian, në një moment të rëndësishëm për avancimin e agjendës evropiane të vendit.

Zëvendëskryeministri Konjufca theksoi përkushtimin e plotë të institucioneve të Kosovës ndaj reformave dhe integrimit evropian, duke nënvizuar rëndësinë e mbështetjes së mëtejshme nga BE, përfshirë hapat drejt statusit të vendit kandidat.

U vlerësua gjithashtu mbështetja e Bashkimit Evropian ndër vite, si një faktor kyç në zhvillimin institucional dhe ekonomik të Kosovës.