Në fjalën e tij, Zëvendësministri Ahmeti, theksoi rëndësinë e pjesëmarrjes aktive të parlamentit, përkatësisht deputetëve në diplomaci.

Duke potencuar faktin se Kosova është në disa procese anëtarësimi, si në Këshillin e Evropës dhe Bashkimin Evropian, roli i Parlamentit dhe deputetëve është i një rëndësie të madhe.

Duke u bazuar në përvojën e fundit gjatë kalimit të suksesshëm të fazës së parë në Këshillin e Evropës, zëvendësministri Ahmeti, tha se bashkëpunimi me deputetë e Parlamentit ka qenë i rëndësishëm.

Ai bëri thirrje, që gjatë muajve në vazhdim të rritet koordinimi dhe bashkërendimi mes institucioneve, si domosdoshmëri për sukses në rrafshin bilateral dhe multilateral.