Flag_of_Kosovo

Uebfaqe zyrtare e Qeverisë së Republikës së Kosovës

Flag_of_Kosovo

Uebfaqe zyrtare e Qeverisë së Republikës së Kosovës

Search
Close this search box.
Ambasadat dhe Misionet Diplomatike të Republikës së Kosovës në botë
Ambasadat dhe Misionet Diplomatike të huaja në Republikën e Kosovës

Zëvendësministri Ahmeti morri pjesë në takimin e ministrave të Jashtëm të Kartës së Adriatikut- A5

Ndaje këtë

Zëvendësministri i Punëve të Jashtme dhe Diasporës, z. Kreshnik Ahmeti, mori pjesë në takimin e Ministrave të Punëve të Jashtme të Kartës së Adriatikut – A5, që u zhvillua në Shkup.

Në fjalën e tij, zëvendësministri Ahmeti tha se Republika e Kosovës i është bashkuar sanksioneve të udhëhequra nga SHBA dhe BE kundër Rusisë dhe Bjellorusisë, si një reagim ndaj agresionit të paprovokuar rus në Ukrainë.

Këtu ai përmendi edhe ndihmën që Kosova ka ofruar në strehimin e gazetarëve ukrainas dhe familjeve të tyre, gatishmërinë për strehimin e refugjatëve ukrainas dhe ofrimin e mbështetjes dhe ndihmës në çështje të ndryshme për qytetarët e Ukrainës.

Më tej, zëvendësministri Ahmeti theksoi rëndësinë e trajtimit sa më të shpejt të kërkesës për anëtarësim të plotë të Republikës së Kosovës në këtë mekanizëm rajonal, përderisa ekziston mbështetja e shumicës dërmuese të vendeve anëtare.

Duke folur për sfidat e sigurisë me të cilat po përballet rajoni ynë, zëvendësministri Ahmeti përmendi lidhjet e ngushta të Serbisë me Rusinë dhe derën e hapur serbe për organizatën famkeqe “Wagner”, e cila në dhjetor të vitit të kaluar ka hapur zyrën e saj në Beograd, dhe mekanizmat e tjerë rus, të cilat janë të interesuara të shkaktojnë tensione dhe trazira në rajonin tonë. Gjithashtu, lidhjet e ngushta ekonomike dhe politike të Serbisë me Rusinë, nuk kontribuojnë për një rajon të sigurt dhe në paqe, tha zëvendësministri Ahmeti.

Në fund, ai bëri thirrje për bashkëpunim të shtuar dhe koordinim të ngushtë, të bazuar në vlera dhe synime të përbashkëta, të vendeve të rajonit.

Lajmet e tjera

|