Sot në Ministrinë e Punëve të Jashtme dhe Diasporës, Zëvendësministri Kreshnik Ahmeti, priti në takim Drejtorin e Përgjithshëm për Ballkan në Ministrinë e Punëve të Jashtme të Turqisë, Ambasadorin Ilhan Saygili.
Të dy diskutuan mbi thellimin e raporteve të shkëlqyera midis dy vendeve, me theks të veçantë në organizimin e konsultimeve të dyta politike gjatë këtij viti, bashkëpunimin në fushën e sigurisë e mbrojtjes dhe procesin e integrimit të Republikës së Kosovës në organizata ndërkombëtare.
Përveç kësaj, në takim u diskutua edhe për procesin e dialogut mes Republikës së Kosovës dhe Serbisë dhe zhvillimet e fundit në rajon.
Drejtori Saygili, u shpreh falënderues për mikpritjen në Kosovë, duke theksuar se Turqia do të vazhdojë mbështetjen për Kosovën me të gjitha kapacitetet e saja.
Ndërsa, Zëvendësministri Ahmeti e falënderoi Drejtorin Saygili për bashkëpunimin e afërt dhe të vazhdueshëm të Republikës së Turqisë me Republikën e Kosovës.