Sot, në ambientet e Akademisë për Siguri Publike, zëvendësministri i Punëve të Jashtme dhe Diasporës, z. Kreshnik Ahmeti, paraqiti prioritetet e politikës së jashtme të Republikës së Kosovës, para pjesëmarrësve të programit ndërkombëtar për siguri publike.
Z. Ahmeti theksoi se Republika e Kosovës synon ndërtimin e raporteve të shëndosha dypalëshe dhe anëtarësimin në organizata ndërkombëtare, me thekst të veçantë në NATO, Bashkimin Evropian dhe Këshillin e Evropës. Të pranishmit, të cilët përfaqësonin shtetet si Gambia, Sao Tome, Mauritania, Madagaskar, Bangladesh, Honduras, Tuvalu, Senegal, etj. zëvendësministri Ahmeti diskutoi mbi zhvillimet e fundit gjeopolitike dhe ndikimin e tyre në rajonin tonë.
Programi ndërkombëtar i trajnimit për siguri publike organizohet për herë të dytë si rezultat i bashkëpunimit mes Akademisë Diplomatike të Ministrisë së Punëve të Jashtme dhe Diasporës dhe Akademisë për Siguri Publike të Ministrisë së Punëve të Brendshme.
