Në ditën e dytë të vizitës në Këshillin e Evropës, zëvendësministri Ahmeti takoi udhëheqësin e delegacionit të Bullgarisë në Asamblenë Parlamentare të Këshillit të Evropës, z. Georg Georgiev si dhe deputeten Denitsa Sacheva.
Z. Ahmeti falënderoi anëtarët e delegacionit për mbështetjen e Bullgarisë për anëtarësimin e Kosovës në Këshillin e Evropës dhe i njoftoi të njëjtit për zhvillimet e fundit në këtë proces.
Përgjatë takimit u diskutua edhe për procesin e integrimit të shteteve të Ballkanit Perëndimor në Bashkimin Evropian dhe nevojën e zgjidhjes së çështjeve të hapura mes shteteve. Me këtë rast, zëvendësministri Ahmeti njoftoi delegatët mbi detajet e sulmit terrorist të Serbisë dhe mbi domosdoshmërinë e sanksionimit të saj
