Gjatë vizitës në Holandë, Zëvendësministri i Punëve të Jashtme dhe Diasporës, z.Kreshnik Ahmeti, takoi Zëvendësdrejtorin e Përgjithshëm të Gjykatës së Përhershme të Arbitrazhit, z.Martin Doe.
Z.Doe dhe z.Ahmeti biseduan për aktivitetet dhe punën e Gjykatës në fusha të ndryshme.
Pas takimit, zëvendësministri Ahmeti së bashku me zëvendësdrejtorin Doe, njërën nga përfaqësueset e Republikës së Kosovës në Gjykatën e Përhershme të Arbitrazhit, znj.Arlinda Rrustemin, dhe ambasadorin Dren Doli, përuruan stemën e Republikës së Kosovës, e cila u bë pjesë e Dhomës së Këshillit Administrativ dhe Gjykatës Ndërkombëtare të Drejtësisë.
Gjykata e Përhershme e Arbitrazhit është organizata e parë e përhershme ndërqeveritare që ofron zgjidhje të mosmarrëveshjeve ndërkombëtare, nëpërmjet arbitrazhit dhe mjeteve tjera paqësore. Republika e Kosovës, është anëtare e kësaj gjykate që nga viti 2016.
