Flag_of_Kosovo

Uebfaqe zyrtare e Qeverisë së Republikës së Kosovës

Flag_of_Kosovo

Uebfaqe zyrtare e Qeverisë së Republikës së Kosovës

Ambasadat dhe Misionet Diplomatike të Republikës së Kosovës në botë
Ambasadat dhe Misionet Diplomatike të huaja në Republikën e Kosovës

Zëvendësministri Kreshnik Ahmeti takoi delegacionin e Komisionit për Integrime Evropiane nga Kroacia

Fotografia nga Ministria e Punëve të Jashtme dhe Diasporës

Ndaje këtë

Zëvendësministri i Punëve të Jashtme dhe Diasporës, Kreshnik Ahmeti, priti sot në takim delegacionin e Komisionit për Integrime Evropiane nga Kroacia, të udhëhequr nga Kryetari i Komisionit, Domagoj Hajdukovic. Në takim mori pjesë edhe deputetja Ermina Lekaj Prljaskaj, njëherit Kyretare e Grupit Parlamentar të Miqësisë Kroaci-Shqipëri dhe Ambasadorja e Republikës së Kroacisë në Republikën e Kosovës, Danijela Barisic.

Në takim u diskutua edhe për marrëdhëniet e shkëlqyera mes të dyja vendeve. Vëmendje e vecantë iu kushtua procesit të integrimeve euro-atlantike të Kosovës. Z. Ahmeti njoftoi delegacionin kroat për shprehjen e interesit të Republikës së Kosovës për anëtarësim të plotë në Këshillin e Evropës dhe për synimet e këtij viti për aplikim në BE dhe lidhjen e marrëveshjes për Parneritet për Paqe me NATO-në,  si hap drejt anëtarësimit të plotë në këtë Aleancë.

Duke qenë se z. Hajdukovic është nënkryetar i Grupit të Socialdemokratëve dhe të Gjelbërve në kuadër të Asamblesë Parlamentare të Këshillit të Evropës, të dy diskutuan më në detaje procedurat dhe format e koordinimit për një proces të shpejtë dhe të suksesshëm të anëtarësimit të Republikës së Kosovës në këtë organizatë të rëndësishme për qytetarët e vendit.


Vullneti i Komisioneve Parlamentare për Integrime Evropiane të të dyja vendeve për të nënshkruar një marrëveshje bashkëpunimi mes vete, është shenjë e raporteve intensive dhe gjithnjë në zhvillim mes vendeve tona. Z. Ahmeti shprehi gatishmërinë e MPJD-së për të ndihmuar në këtë proces.

Të dyja delegacionet u pajtuan që të mbesim në komunikim të afërt për zbatimin e ideve të shtruara në takimet e ndryshme që delegacioni kroat ka pasur në Republikën e Kosovës.

Lajmet e tjera

|