Flag_of_Kosovo

Uebfaqe zyrtare e Qeverisë së Republikës së Kosovës

Flag_of_Kosovo

Uebfaqe zyrtare e Qeverisë së Republikës së Kosovës

Search
Close this search box.
Ambasadat dhe Misionet Diplomatike të Republikës së Kosovës në botë
Ambasadat dhe Misionet Diplomatike të huaja në Republikën e Kosovës

Zv.ministrja takohet me përfaqësuesit e Odës Ekonomike Zvicër-Kosovë – në fokus ndërlidhja mes bizneseve të diasporës dhe atyre në Kosovë

Ndaje këtë

Ndërlidhja dhe investimet e përbashkëta mes bizneseve të diasporës në Zvicër dhe atyre në Kosovë, investimet e reja dhe rritja e bashkëpunimit për mbështetjen e bizneseve në Kosovë ishin temat kyç të takimit që zëvendësministrja e MPJD-së, Liza Gashi, bashkë me shefen e kabinetit, Triera Kasumi, dhe zyrtarë të Ministrisë patën me përfaqësuesit e Odës Ekonomike Zvicër-Kosovë, të cilët po qëndrojnë për vizitë zyrtare në Kosovë.

Zëvendësministrja Gashi shpalosi para delegacionit mundësitë që ofron Republika e Kosovës për investime dhe angazhimin e MPJD-së për t’i krijuar dhe për t’i fuqizuar urat e bashkëpunimit mes bizneseve nga Kosova dhe atyre nga diaspora.

Më tej, zëvendësministrja Gashi theksoi se Ambasada e Republikës së Kosovës në Zvicër, në vazhdimësi, angazhohet për ndërlidhjen e bizneseve nga diaspora me ato nga Kosova, me qëllim të rritjes së investimeve në Kosovë, por edhe të shkëmbimit të përvojave dhe praktikave më të reja biznesore.

Nga ana tjetër, zëvendëskryetari i Odës Ekonomike Zvicër-Kosovë, Butrint Ajredini, pasi falënderoi Ministrinë e Punëve të Jashtme dhe Diasporës për ofrimin e bashkëpunimit, vuri në pah misionin e Odës që përmes projekteve konkrete t’i fuqizojë lidhjet me Kosovën, t’i rritë investimet dhe, po ashtu, t’i fuqizojë bizneset e Kosovës në tregun ndërkombëtar.

Lajmet e tjera

|