- Mbulon fushën e marrëdhënieve dypalëshe me grupet gjeografike të shteteve në Azi dhe Oqeani; - Mban kontakte me Përfaqësitë Diplomatike të këtyre shteteve;
Orienton politikat dhe harton strategjitë përkatëse në raport me këto rajone gjeografike dhe me secilin vend specifik nga këto gjeografi;
- Harton politikat për pozicionin e Kosovës karshi këtyre rajoneve gjeografike dhe me secilin vend specifik nga këto gjeografi;
- Harton analiza të ndryshme që lidhen me raportet dypalëshe dhe rishikon të gjitha memot, strategjitë dhe dokumentet analitike të përgatitura nga Divizionet;
- Mban kontakte me misionet diplomatike të akredituara në Republikën e Kosovës;
- Bashkëpunon me Presidencën, Zyrën e Kryeministrit dhe Ministritë e linjës në lidhje me interesin e tyre për bashkëpunim dypalësh me shtetet relevante;
- Krijon një arkiv të komunikimit zyrtar në kuadër të Ministrisë lidhur me marrëdhëniet bilaterale me shtetet e gjeografive që mbulon;
- Prioritizon marrëdhëniet dypalëshe me secilin prej shteteve në zonat gjeografike të theksuara më lartë dhe ofron rekomandime për Ministrinë lidhur me inicimin e negociatave për marrëveshjet dypalëshe me këto shtete;
- Siguron mirëmbajtjen e dosjeve bilaterale të shteteve që i mbulojnë Divizionet e Departamentit;
- Në baza ditore mbikëqyr punën e misioneve diplomatike dhe përfaqësive të Republikës së Kosovës në zonat gjeografike të theksuara më lartë;
- Përgatit draftet e organogrameve të misioneve diplomatike çdo vit para se të shpallet kalendari i rotacionit për misionet në këto zona gjeografike;
- Përfaqësohet në trupat e përhershme dhe ad-hoc për shqyrtimin e shprehjes së interesit për përfshirje në rotacion dhe kontribuon veçanërisht në përzgjedhjen e diplomatëve për të shërbyer në zonat gjeografike të theksuara më lartë;
- Përgatit draftin fillestar të vlerësimit të punës së shefave të misioneve dhe e dërgon tek Sekretari/ja i/e Përgjithshëm/me për vlerësim final.