- Koordinon dhe merr pjesë në hartimin e akteve normative në bashkëpunim të ngushtë me Kabinetin e Ministrit, me departamentet dhe me njësitë e tjera organizative nga fushëveprimtaria e Ministrisë;
- Është përgjegjës për finalizimin e projektakteve normative;
- Në bashkëpunim me departamentet, njësitë apo zyrtarët përgjegjës për hartimin e projektakteve normative, siguron përputhshmërinë e akteve normative të propozuara nga Ministria me legjislacionin e aplikueshëm në Republikën e Kosovës, si dhe legjislacionin e Bashkimit Evropian- Acquis të BE-së, duke përfshirë përgatitjen e Deklaratës së Përputhshmërisë (DeP) dhe Tabelat e Përputhshmërisë (TeP);
- Jep opinione ligjore të kërkuara nga fushëveprimi i ministrisë përkatëse;
- Siguron respektimin e teknikave dhe standardeve të hartimit të legjislacionit nga fushëveprimi i Ministrisë; - Ofron opinione, këshilla dhe rekomandime ligjore, sipas kërkesës për departamentet dhe njësitë e tjera të Ministrisë;
- Bashkëpunon me Zyrën Ligjore të ZKM-së për përgatitjen, monitorimin dhe raportimin e Programit Legjislativ dhe për aktivitete të tjera që ndërlidhen me procesin e hartimit të legjislacionit;
- Koordinon dhe mbikëqyr procesin e nismave për marrëveshje ndërkombëtare, të iniciuara nga ministritë dhe institucionet e tjera shtetërore. Siguron që procedura të bëhet në pajtim me Ligjin për Marrëveshjet Ndërkombëtare, si dhe mban evidencën e të gjitha marrëveshjeve ndërkombëtare që lidhen në emër të Shtetit dhe Qeverisë së Republikës së Kosovës;
Mbikëqyr zbatimin e legjislacionit dhe identifikon probleme të zbatimit të akteve normative;
- Bashkëpunon me Ministrinë e Drejtësisë për përfaqësimin e Ministrisë në kontestet gjyqësore;
- Koordinon aktivitetet për zbatimin e legjislacionit me njësitë përkatëse të Ministrisë dhe me ministritë e tjera e Qeverinë;
- Mban dhe përditëson regjistrin e akteve nënligjore të Ministrisë;
- Dërgon aktet nënligjore në Zyrën Ligjore të Kryeministrisë pas miratimit të tyre nga Ministri;
- Siguron përmbushjen e detyrave ligjore për zbatimin e ligjit dhe të dispozitave të tjera nga fushëveprimi i Ministrisë;
- Harton propozimvendime, propozime të materialeve të ndryshme, të kërkuara nga Sekretari i Përgjithshëm dhe Ministri;
- Ofron asistencë juridike në procesin e negocimit, nënshkrimit, ratifikimit dhe zbatimit të marrëveshjeve ndërkombëtare;
- Kryen detyra të tjera të përcaktuara me legjislacionin përkatës.