Zëvendësministri Ahmeti, së bashku me delegacionin nga Ministria e Punëve të Jashtme dhe Diasporës, vizitoi investimin e shtetasit të Republikës së Kosovës, z. Adrian Zylfiu, në Selanik.
Hoteli “Vanoro”, investim i z. Zylfiu, është një ndër hotelet më prestigjioze në qendrën e Selanikut. Ai e ka realizuar këtë investim në vitin 2021 dhe tashmë ka etabluar biznesin e tij si një destinacion atraktiv për turistët nga të gjitha vendet e botës.
Ky investim i suksesshëm është njëra ndër shenjat e qarta të zhvillimit përmbajtjesor të raporteve ekonomike mes Republikës së Kosovës dhe Republikës së Greqisë.
Përgjatë vizitës së tij në Greqi, zëvendësministri Ahmeti diskutoi me homologun e tij grek për hapjen e mundësive të reja të bashkëveprimit të bizneseve nga Kosova dhe atyre greke. Njëra nga platformat e realizimit të këtyre mundësive është edhe Forumi Ekonomik me biznese nga Kosova dhe Greqia, i cili këtë vit do të organizohet në Prishtinë.