#Kosova15 Për nder të Ditës së Pavarësisë së Republikës së Kosovës, sot në Filadelfia është bërë ngritja ceremoniale e Flamurit të Kosovës në sheshin e Bashkisë së Filadelfias.
Ambasadori Ilir Dugolli ka falënderuar autoritetet e Filadelfias dhe Shoqatën “Bijtë e Shqipes” për shënimin solemn të 15 vjetorit të Pavarësisë së Kosovës.
“Shënimi i 15 vjetorit të Pavarësisë së Kosovës në Filadelfia dhe në shumë shtete dhe qytete anekënd Shteteve të Bashkuara të Amerikës është dëshmi e miqësisë ndërmjet popujve tanë e rrënjosur në vlerat tona të përbashkëta”, ka thënë Ambasadori Dugolli, duke shprehur mirënjohje për kontributin e pazëvendësueshëm të SHBA-ve dhe bashkatdhetarëve tanë për arritjen e pavarësisë dhe forcimin e shtetit të Kosovës.