Gjatë takimit u vlerësuan lartë marrëdhëniet midis dy vendeve dhe u diskutua për zhvillimet aktuale në të dyja vendet, diplomacinë parlamentare dhe bashkëpunimin parlamentar në platforma ndërkombëtare.
Zëvendësministri Ahmeti, e njoftoi Kryetarin Matha për zhvillimet e fundit në Kosovë dhe progresin e shënuar vitet e fundit.
Ndër tjerash, u bisedua lidhur me bashkëpunimin parlamentar dhe shkëmbimet mes grupeve të miqësisë, me këtë rast Zëvendësministri Ahmeti, përcolli ftesën për Kryetarin e Asamblesë për vizitë në Kosovë së bashku me Grupin e Miqësisë.
Kryetari Asamblesë z. Matha falenderoi për ftesën Zëvendësministrin Ahmeti dhe theksoi se Mbretëria e Tajlandës do të vazhdojë mbështetjen për Republikën e Kosovës në të gjitha fushat.