Zëvendësministrja Gashi priti në takim të dërguarën speciale të kryeministrit të Mbretërisë së Bashkuar për Lirinë e Fesë ose Besimit dhe njëherit nënkryetaren e Aleancës Ndërkombëtare për Lirinë e Besimit, deputeten britanike Fiona Bruce.
Qëllimi i këtij takimi ishte identifikimi i mundësive të thellimit të partneriteteve që fuqizojnë Kosovën në promovimin e vlerave të bashkëjetesës dhe tolerancës fetare, vlera këto ekzistente në shoqërinë tonë.
Zëvendësministrja Gashi dhe deputetja Bruce disktuan për mundësitë e fuqizimit të mëtejmë të raporteve institucionale ndërmjet Kosovës dhe Mbretërisë së Bashkuar dhe intensifikimit të bashkëpunimit në kuadër të aktiviteteve në Aleancën Ndërkombëtare për Lirinë e Besimit, pjesë e së cilës është Kosova, si anëtare e rregullt.
Në fund të takimit, zëvendësministrja Gashi e falënderoi deputeten britanike për rolin konstruktiv dhe përkrahjen e pa rezervë që Mbretëria e Bashkuar ka ofruar dhe vazhdon ta ofroj për Kosovën.
